ბათუმის საერთაშორისო კინოფესტივალის პირველი დღე

19 სექტემბერი 2022, 14:46 759 ნახვა

„მაინც ვითამაშებთ“, „მეოთხე ბრაიტონი“, „მრავალჟამიერი“ - ბათუმი საავტორო კინოს საერთაშორისო ფესტივალის ფარგლებში ამ და სხვა რჩეულ ფილმებს ნახავს დღეს მაყურებელი. ფილმების ავტორები ქართველი და უცხოელი რეჟისორები არიან. ბიაფ-ის კინოჩვენების ადგილი უცვლელია. ფილმების ჩვენება კინოთეატრ „აპოლოსა“ და ევროპის მოედანზე, ღია ცისქვეშ გაიმართება. პროგრამა წელსაც საკონკურსო და არასაკონკურსო სექციებს მოიცავს.წარმოდგენილი იქნება 4 ფილმი უკრაინის თემატიკაზე. წელს პირველად ბიაფ-ის დაფინანსებაზე უარი თქვა სახელმწიფომ და იგი საელჩოსა და სხვადასხვა კომპანიის, ასევე მაყურებლების შემოწირულობებით იმართება. საერთაშორისო კინოფესტიცვალზე 35 -მდე ქვეყანაა წარმოდგენილი, საკონკურსო ნაწილს ქართველი და უცხოელი კინომცოდნეებისგან შემდგარი ჟიური შეაფასებს.

თამუნა გაზდელიანი

ჟურნალისტი