ლევან ვარშალომიძეს სადეპუტატო მანდატი შეუწყდა
06 სექტემბერი 2022, 19:44 1129 ნახვა78 მომხრე, 7 წინააღმდეგი - ლევან ვარშალომიძეს საქართველოს პარლამენტის წევრის უფლებამოსილება შეუწყდა. დეპუტატს მანდატი სხდომების გაცდენების გამო ჩამოერთვა. ნაციონალური მოძრაობის წევრისთვის დეპუტატის სტატუსის მოხსნის მოთხოვნით პარლამენტს საპროცედურო საკითხთა კომიტეტის თავმჯდომარემ მიმართა. ირაკლი ქადაგიშვილის განმარტებით, ლევან ვარშალომიძე 2022 წლის საგაზაფხულო სესიის 26 სხდომიდან არც ერთს არ დასწრებია და არც საპატიო მიზეზი ჰქონია, რის გამოც მას რეგლამენტის მიხედვით უფლებამოსილება უწყდება. რეგლამენტი კი სტატუსის მოხსნას იმ შემთხვევაში ითვალისწინებს თუ დეპუტატი არასაპატიო მიზეზით სხდომების ნახევარზე მეტს გააცდენს. ლევან ვარშალომიძემ დეპუტატის სტატუსის მოთხოვნით პარლემენტს გასული წლის თებერვალში თავად მიმართა, თუმცა მაშინ პარლამენტმა მას და სხვა ოპოზიციონერ დეპუტატებს მოთხოვნაზე უარი უთხრა.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა