მომდევნო ორი ბაშოს თარიღი შეიცვალა

10 აპრილი 2020, 11:07 519 ნახვა

კორონავირუსის პანდემიის გამო, იაპონიის სუმოს ასოციაციამ კალენდარში მცირე ცვლილებები შეიტანა. მაისის ბაშომ ორი კვირით გადაიწია და 10 მაისის ნაცვლად, 24 მაისს დაიწყება და 7 ივნისს დასრულდება. მაგრამ ეს საბოლოო გადაწყვეტილება არ არის და მოვლენების განვითარებიდან გამომდინარე, შესაძლოა კიდევ გადაიწიოს.

ასევე, ორი კვირით გადაიდო ივლისის ბაშოს დაწყებაც, რომლიც 19 ივლისს აიღებს სტარტს და 2 აგვისტოს დასრულდება.

იაპონიის სუმოს ასოციაცია ახალ რეიტინგს (ბანძუკე) 27 აპრილს გამოაქვეყნებს.

ბოლო მარტის ბაშო ოსაკაში მაყურებლის გარეშე ჩატარდა, სადაც ლევანი მე-9 მაეგაშირა წოდებით გამოვიდა და უარყოფითი 6-9 ბალანსი დააფიქსირა.

სეო წილოსანი
სპორტული ჟურნალისტი

ამავე კატეგორიაში

#უსმინეთ!

#უყურეთ!

ამინდი