თბილისში 24 წლის კაცი მოკლეს, ოჯახი წამებაში სპეცრაზმელებს ადანაშაულებს - მთავარი არხი

06 იანვარი 2020, 23:09 747 ნახვა

თბილისში, 2 იანვარსს, 24 წლის მამაკაცი ქუჩაში ნაცემი იპოვეს - ინფორმაციას "მთავარი არხი'' ავრცელებს. ტელეკომპანიის ინფორმაციით, ბლაგვი საგნით სასტიკად ნაცემი მურად წურწუმია ქუჩაში, მეორე დილით იპოვეს, საავადმყოფოში გადაიყვანეს, თუმცა მისი გადარჩენა ვერ მოხერხდა. ''მთავარი არხთან'' ინტერვიუში გარდაცვლილის დედა აცხადებს, რომ ჩხუბი სასაფლაოზე მოხდა, სადაც მოკლული და მისი 21 წლის ძმა იმყოფებოდნენ. ყვება, რომ უმცროსმა ძმამ გაქცევა მოახერხა. ამტკიცებს, რომ შსს-ს სპეცრაზმელებმა 24 წლის მურადი წურწუმია აწამეს და სხვა უბანში, ქუჩაში დააგდეს. 

''მთავარ არხთან'' კომენტარს აკეთებს ინციდენტის მონაწილე, გარდაცვლილი მურად წურწუმიას ძმაც, ის ვერ იხსენებს რატომ დაიწყო ჩხუბი, თუმცა ახსოვს, რომ სასაფლაოსთან ორი პირი იმყოფებოდა, ვისთანაც იჩხუბეს.  

შინაგან საქმეთა სამინისტრომ ამ ფაქტზე ერთი პირი დააკავა. საქმე კი პროკურატურას გადაეცა. უწყებაში არ ადასტურებენ დაკავებული არის თუ არა სპეცრაზმელი.

გამოძიება სისხლის სამართლის კოდექსის სამი მუხლით: 126 -ე პირველი პრიმა მუხლის "გ" ქვეპუნქტით, 117-ე მუხლის მე-6 ნაწილით და 143-ე მუხლის პირველი ნაწილით დაიწყო. რაც ორი ან მეტი პირის მიმართ ცემასა და ძალადობას, ჯანმრთელობის განზრახ მძიმე დაზიანებით სიცოცხლის მოსპობას და ადამიანის მოტაცებას გულისხმობს.

ოჯახის წევრები კი ირწმუნებიან, რომ ინციდენტში არა ერთი, არამდე ორი პირი მონაწილეობდა და ითხოვენ ყველა დამნაშავე პირი დაისაჯოს. ფიქრობენ, რომ შესაძლოა სპეცრაზმელს ხელს აფარებდნენ.

აჭარის მაუწყებელი
სოც. ადმინისტრატორი

ამავე კატეგორიაში

#უსმინეთ!

#უყურეთ!

ამინდი