AdjaraTV http://site.ajaratv.ge/rss Georgian <![CDATA[რუსმა სამხედროებმა 96 წლის მამაკაცი დააკავეს]]> ajaratv.ge/article/52978 http://adjaratv.ge/rss რუსმა სამხედროებმა 96 წლის მამაკაცი დააკავეს

რუსმა სამხედროებმა საოკუპაციო ხაზთან, კ​ასპის მუნიციპალიტეტის სოფელ ქვემო ჭალის მკვიდრი, 96 წლის გორა ღარიბაშვილი დააკავეს.

სავარაუდოდ დაკავება ოკუპირებულ სოფელ წუნევთან მოხდა.

კასპის მუნიციპალიტეტის მერიის წარმომადგენელის თქმით, მოხუცი ოკუპირებულ სოფელ წუნევში სასაფლაოზე მისვლას ცდილობდა.

გორა ღარიბაშვილი საოკუპაციო რეჟიმს უკვე რამდენჯერმე ჰყავდა დაკავებული. რუსმა ოკუპანტებმა ის ბოლოს გასულ წელს დააკავეს.

ინფორმაციას პირველი არხი ავრცელებს.

]]>
Mon, 16 Dec 2019 14:55:50 +0400
<![CDATA[ბათუმში 800 აბონენტს ბუნებრივი აირი არ მიეწოდება ]]> ajaratv.ge/article/52977 http://adjaratv.ge/rss ბათუმში, გორგილაძის ქუჩაზე კორპუსის მშენებლობის დროს გაზის მილი დაზიანდა, რის გამოც ბუნებრივი აირი დაახლოებით 800 აბონენტს არ მიეწოდება. ''სოკარ ჯორჯია გაზის'' ინფორმაციით, ოპერატიული ჯგუფი შემთხვევის ადგილზეა და უახლოეს პერიოდში სარეაბილიტაციო სამუშაოები დაიწყება.

გაზის მიწოდება შეუწყდა გორგილაძის ქუჩასა და მიმდებარე ქუჩებზე მცხოვრებ აბონენტებს. კომპანიაში ამბობენ, რომ ბუნებრივი აირის მიწოდება დღის ბოლომდე აღდგება. 

აჭარის საზოგადოებრივ მაუწყებელს მოქალაქეები უყვებიან, რომ ძლიერი, აფეთქების მსგავსი ხმა გაიგონეს. შეტხვევის ადგილზე პოლიციაც მივიდა. 

გორგილაძის ქუჩაზე კომპანია მრავალსართულიან კორპუსს აშენებს. 

 

]]>
Mon, 16 Dec 2019 14:26:07 +0400
<![CDATA[ელენე ხოშტარიამ ერეკლე კუხიანიძის კაბინეტის აბრა ჩამოხსნა და ნაძირალა დააწერა ]]> ajaratv.ge/article/52976 http://adjaratv.ge/rss ''ევროპული საქართველოს'' დეპუტატმა ელენე ხოშტარიამ საკრებულოს წევრის, ერეკლე კუხიანიძის კაბინეტის აბრა ჩამოხსნა, რის შემდეგაც “ღორი” და “ნაძირალა” მიაწერა. ინფორმაციას ხოშტარია თავად ავრცელებს.

როგორც ელენე ხოშტარიამ აღნიშნა, ერეკლე კუხიანიძე თბილისის საკრებულოდან უნდა გააგდონ.

„ეს არის პროტესტი. ეს კაცი, რომელიც შეურაცხყოფას აყენებს ვაჟა გაფრინდაშვილს, მუშაობს კიდევ საკრებულოში. ამიტომ ცხადია, ეს არის მისი მოგლეჯვის სიმბოლური ფორმა. არ ეკუთვნის, რომ ეს ეკიდოს თბილისის საკრებულოში და აღარ ეკიდება. ის უნდა იყოს გაგდებული საკრებულოდან. ამ ბანერის ჩამოგლეჯვისას, რა თქმა უნდა, შემექმნა პრობლემა. ჯერ სცადეს, რომ საკრებულოში არ შევეშვი, მერე კუხიანიძის კაბინეტთან, მაგრამ ხაზი მინდა გავუსვა, რომ ტყემალაძე ერთადერთი ადამიანი აღმოჩნდა, რომელმაც საბოლოოდ პოლიციას მოქალაქეებისთვის ხელები არ აგრეხინა და საბოლოო ჯამში ოთახში მიგვიღო“, – განაცხადა ელენე ხოშტარიამ.

საკრებულოს წინ აქცია მიმდინარეობს ერეკლე კუხიანიძის წინააღმდეგ, რომელმაც ცხინვალში პატიმრობაში მყოფ ექიმ ვაჟა გაფრინდაშვილსა და მის ოჯახს აგინა. მომიტინგეები კუხიანიძის გადადგომას მოითხოვენ.

]]>
Mon, 16 Dec 2019 14:03:33 +0400
<![CDATA[მსოფლიოს ყველაზე ძლიერი ქართველი სპორტსმენები]]> ajaratv.ge/article/52975 http://adjaratv.ge/rss გაიცანი ქართველი სპორტსმენები, რომლებიც კონკრეტულ სპორტის სახეობებში აბსოლუტური ჩემპიონები და ყველაზე ძლიერი სპორტსმენები არიან.

ლაშა ტალახაძე - ძალოსანი

ქართველი ძალოსანი ლაშა ტალახაძე მსოფლიო ძალოსნობის სამყაროს ყოველწლიურად აკვირვებს თავისი რეკორდებით.
26 წლის სპორტსმენი ბოლო წლებია პრაქტიკულად თავისივე რეკორდებს ხსნის. ბოლოს 27 სექტემბერს ქართველმა გიგანტმა აკვრაში 220 კოლოგრამი დაძლია, ხოლო ატაცში 264 კილოგრამის აწევა მოახერხა და კიდევ ერთჯერ მოხსნა თავისივე რეკორდი.
ლაშა ტალახაძე ოლიმპიური, მსოფლიოს 5 გზის და ევროპის 4 გზის ჩემპიონია. ტალახაძე ასევე მსოფლიოს ყველაზე ძლიერ ძალოსნად ორჯერ დაასახელეს. 

ლევან საგინაშვილი - მკლავჭიდელი 

ქართველი მკლავჭიდელი ტოპ 8-ის გამარჯვებული გახდა და მსოფლიოს საუკეთესო 8 მკლავჭიდელს შორის პირველი ადგილი დაიკავა. ქართველმა ყველა ორთაბრძოლა ისე მოიგო, რომ მეტოქისთვის ერთი რაუნდიც არ დაუთმია.
ლევან საგინაშვილი იგივე ,,ქართველი ჰალკი'' აბსოლუტურ მკლავჭიდში მსოფლიოს 7 გზის და ევროპის 6 გზის ჩემპიონია. ლევანი ასევე მრავალი სხვადასხვა საერთაშორისო შეჯიბრისა და ფესტივალის გამარჯვებულიცაა.

გენო პეტრიაშვილი - ჭიდაობა

კიდევ ერთი ძლიერი ქართველი აბსოლუტურ ჭიდაობა. გენო პეტრიაშვილი ჭიდაობაში მსოფლიოს 3 გზის და ევროპის ჩემპიონია.
25 წლის ქართველი ასევე ოლიმპიადის პრიზიორი, მსოფლიო ჩემპიონატის 2 გზის ბრინჯაოს მედალოსანი, ევროპის ჩემპიონატის ბრინჯაოს პრიზიორი და ევროპული თამაშების ბრინჯაოს მედლის მფლობელი.

კონსტანტინე ჯანაშია - სთრონგმენი 

კონსანტინე ჯანაშია იგივე ,,ქართველი ხარი’’, სწორედ ასე მოიხსენიებენ ქართველ სთრონგმენს მსოფლიო სთრონგმენთა სამყარო. 
ჯანაშიას ეკუთნის მსოფლიო რეკორდი ამოწევაში. ქართველმა სთქონგმენმა 510 კილოგრამის ამოწევა შეძლო.
კონსტანტინე ჯანაშია მსოფლიოს სთრონგმენთა ჩემპიონატის ვერცხლის მედლის, ევროპის ჩემპიონატის ასევე ვერცხლის მედლის მფლობელია.

ჯანაშია ასევე მრავალი საერთაშორისო ტურნირის და ფესტივალის გამარჯვებულია. ,,ქართველი ხარი’’  მსოფლიოს 10 ყველაზე ძლიერ სთრონგმენს შორის არის დასახელებული.
 

]]>
Mon, 16 Dec 2019 13:57:02 +0400
<![CDATA[საშუალო ხელფასი საქართველოში 1217 ლარია - საქსტატი]]> ajaratv.ge/article/52974 http://adjaratv.ge/rss საქსტატის ინფორმაციით, 2019 წლის III კვარტალში საქართველოში საშუალო თვიური ნომინალური ხელფასი გასული წლის შესაბამის პერიოდთან შედარებით 91.6 ლარით გაიზარდა და 1 217.1 ლარი შეადგინა.

სტატისტიკის თანახმად, 2019 წლის III კვარტალში, გასული წლის შესაბამის პერიოდთან შედარებით ხელფასების ზრდა შეინიშნებოდა თითქმის ყველა სექტორში.

შედარებით მაღალი ხელფასი დაფიქსირდა შემდეგ დარგებში: მშენებლობა - 2 008.4 ლარი, ინფორმაცია და კომუნიკაცია - 1 958.7 ლარი, პროფესიული, სამეცნიერო და ტექნიკური საქმიანობები - 1 936.2 ლარი, საფინანსო და სადაზღვევო საქმიანობა - 1 898.6 ლარი.

2019 წლის III კვარტალში ქალების საშუალო ხელფასი 924.1 ლარია, ხოლო კაცების - 1 475.7 ლარი. შესაბამისად, ხელფასების წლიურმა ზრდამ, ქალების შემთხვევაში 72.2, კაცებში კი 115.2 ლარი შეადგინა. საქმიანობის სახეების მიხედვით კაცების ხელფასი თითქმის ყველა სექტორში აღემატებოდა ქალების ხელფასს.

დაქირავებით დასაქმებულთა საშუალო ხელფასი ბიზნეს სექტორში 129.5 ლარით გაიზარდა და 1 316.2 ლარი შეადგინა.

]]>
Mon, 16 Dec 2019 13:34:55 +0400
<![CDATA[საახალწლო ბლიც ტურნირი და ,,ბათუმის თასი" ]]> ajaratv.ge/article/52973 http://adjaratv.ge/rss საახალწლო ბლიც ტურნირი და ,,ბათუმის თასი" ჭადრაკში. აჭარის ჭადრაკის ფედერაციამ 2 თამაშით წლის შემაჯამებელი ღონისძიებები ჩაატარა.

ტურნირში 8-დან 14 წლამდე სპორტსმენები  მონაწილეობდნენ. საპრიზო ადგილზე გასულებს სიგელები და თასები გადაეცათ.

]]>
Mon, 16 Dec 2019 13:06:14 +0400
<![CDATA[აქციის მონაწილეები ''ქართული ოცნების'' დეპუტატის გადადგომას ითხოვენ - საკრებულოსთან ნაგვის ურნა მიიტანეს]]> ajaratv.ge/article/52972 http://adjaratv.ge/rss თბილისის საკრებულოს შენობასთან სამოქალაქო მოძრაობის წევრები შეიკრიბნენ და ''ქართული ოცნების'' საკრებულოს დეპუტატის, ერეკლე კუხიანიძის გადადგომას მოითხოვენ. აქცია გუშინ დაანონსდა. დეპუტატმა საოკუპაციო რეჟიმის მიერ დაკავებული ექიმი ვაჟა გაფრინდაშვილის ოჯახი პროვოკაციაში დაადანაშაულა.

აქციის მონაწილეები ამბობენ, რომ  დასუფთავების სამსახურიდან არიან და ნაგავი უნდა გაიტანონ.

თბილისის საკრებულოს წევრი ''ერთიანი ნაციონალური მოძრაობიდან'' ირაკლი ნადირაძე აცხადებს, რომ საკრებულოს შენობიდან პოლიციამ გამოაძევა. “საკრებულოდან გამოგვაძევეს დეპუტატები. გვქონდა მცდელობა რამდენიმე ადამიანი შეგვეყვანა. ძალადობით გამოგვაგდეს საკრებულოდან. ბიძინას შენობები ჰგონიათ მუნიციპალური შენობები”, – ამბობს ნადირაძე.

მოგვიანებით აქციის მონაწილეებმა მოქალაქეთა შესასვლელისკენ გადაინაცვლეს. მათ შორის არის სამოქალაქო აქტივისტი გიგა მაქარაშვილი. მისი თქმით, უფლება აქვს შენობაში შევიდეს, თუმცა პოლიცია ამის საშუალებას არ აძლევს. 

საკრებულოსთან ათობით სამართალდამცველი იმყოფება. 

]]>
Mon, 16 Dec 2019 12:54:07 +0400
<![CDATA[''სიკეთის სახლის'' მშენებლობისთვის ბათუმის მუსიკალურ ცენტრში საქველმოქმედო კონცერტი გაიმართა]]> ajaratv.ge/article/52971 http://adjaratv.ge/rss „სიკეთის სახლის“  მშენებლობისთვის ბათუმის  მუსიკალურ ცენტრში  საქველმოქმედო  კონცერტი გაიმართა.   ფონდ  „კეთილსოფლის“ მიერ ორგანიზებულ   ღონისძიებაზე  მაყურებლის წინაშე    აჭარის  სიმღერისა და ცეკვის სახელმწიფო აკადემიური   ანსამბლი „არსიანი“, „ხორუმი“, „იბერიონი“  და  სხვადასხვა საბავშვო სტუდიის აღსაზრდელები წარსდგნენ. 

კონცერტიდან შემოსული თანხა სხალთის ქუჩაზე მშენებარე  „სიკეთის სახლის“  მეხუთე, ბოლო სართულის მშენებლობას მოხმარდება. კორპუსში საცხოვრებელი ბინები   ოცამდე  უსახლკარო  მრავალშვილიან ოჯახებს და უსახლკარო შშმ პირებს გადაეცემათ.

]]>
Mon, 16 Dec 2019 12:45:38 +0400
<![CDATA[სომხეთში საქართველოს ელჩის მანქანა გაძარცვეს]]> ajaratv.ge/article/52970 http://adjaratv.ge/rss ერევანში საქართველოს ელჩის, გიორგი საგანელიძის მანქანა გაძარცვეს.

სომხური მედიის ცნობით, ინცინდენტი 14 დეკემბერს მოხდა. გავრცელებული ინფორმაციით, თავდამსხმელებმა მერსედესის მარკის ავტომობილის გვერდითი სარკეები მოიპარეს.  აღნიშნული მანქანა სომხეთის რესპუბლიკის საელჩოს ბალანსზეა და ელჩს ემსახურება.

საქმეს სომხეთის შინაგან საქმეთა სამინიტრო იძიებს.

]]>
Mon, 16 Dec 2019 12:40:41 +0400
<![CDATA[20 ივნისს დაკავებულების მშობლები პარლამენტის თავმჯდომარესთან შეხვედრას ითხოვენ]]> ajaratv.ge/article/52969 http://adjaratv.ge/rss ნაციონალური მოძრაობის წევრი, პარლამენტარი თინა ბოკუჩავა საკანონმდებლო ორგანოში შესვლას ვერ ახერხებს , დეპუტატი საშვის გამოწერას ითხოვს, დეპუტატმა დღეს განცხადება გააკეთა, რომ სამი კვირაა პენიტენციურ დაწესებულებაში შესვლას ვერ ახერხებს, ასევე ითხოვს 20 ივნისს დაკავებული მოქალაქეების მშობლებს შეხვდეს არჩილ თალაკვაძე. 

]]>
Mon, 16 Dec 2019 12:29:27 +0400
<![CDATA[კიევის საპატრიარქოს მართლმადიდებელი ეკლესიის ლიკვიდაცია განხორციელდა]]> ajaratv.ge/article/52968 http://adjaratv.ge/rss უკრაინის მართლმადიდებელი ეკლესიის მიტროპოლიტმა ეპიფანემ განაცხადა, რომ კიევის საპატრიარქოს მართლმადიდებელმა და უკრაინის ავტოკეფალურმა მართლმადიდებელმა ეკლესიებმა არსებობა შეწყვიტეს. ამის შესახებ ინფორმაცია ფეისბუქზეც გამოაქვეყნეს.

უკრაინაში იურიდიულად ლიკვიდირებული ეკლესიები 6000-მდე სამრეკლოს ფლობდნენ. იუსტიციის სამინისტროს გადაწყვეტილებით, ორივე ეკლესია კანონიერად არ იქნა აღიარებული და გასული წლის ბოლოს ისინი უკრაინის მართმადიდებლური ეკლესიის ნაწილი გახდნენ, რომელიც კონსტანტინოპოლის საპატრიარქოს ეგიდით შეიქმნა. 

მანამდე, უკრაინაში სამი ერთმანეთისგან დამოუკიდებელი ეკლესია მოქმედებდა: კიევის საპატრიარქო, რომელსაც პატრიარქი ფილარეტი განაგებდა და მოსკოვის „ხელისუფლებას“ არ ცნობდა. ასევე უკრაინის მართლმადიდებელი ეკლესია, რომელიც ახლაც მოსკოვის საპატრიარქოს ექვემდებარება და რუსეთისადმი ლოიალობით გამოირჩევა. მესამე კი უკრაინის ავტოკეფალური მართლმადიდებელი ეკლესიაა: ის 1921 წელს მოსკოვის წინააღმდეგობის მიუხედავად დაფუძნდა, რიგი პრობლემების შემდეგ კი, მეორე მსოფლიო ომის დასრულებისას აღდგა.

]]>
Mon, 16 Dec 2019 12:26:11 +0400
<![CDATA["დაიცავი საქართველოს კონსტიტუცია და არა გადამგდები ოლიგარქის ინტერესები" - აქცია პრეზიდენტის ერთ წელთან დაკავშირებით]]> ajaratv.ge/article/52967 http://adjaratv.ge/rss მოძრაობა "შეცვალეს" აქცია. სამოქალაქო აქტივისტები პრეზიდენტს აკრიტიკებენ. სალომე ზურაბიშვილი კონფერენციას ესწრება, სწორედ შეხვედრის ადგილას მივიდნენ აქტვისტები სლოგანებით "ზურაბიშვილი - ბიძინას დანაშაული", "დაიცავი საქართველოს კონსტიტუცია და არა გადამგდები ოლიგარქის ინტერესები".

აქციის ერთ-ერთი მონაწილის, ნიკა ფარულავას განცხადებით, ერთი წელი გავიდა, რაც ზურაბიშვილი პრეზიდენტი გახდა და ეს ერთი წელი სამარცხვინოა საქართველოს ისტორიაში.

]]>
Mon, 16 Dec 2019 12:21:12 +0400