28 წელი აფხაზეთში ომის დაწყებიდან - Adjara TV

28 წელი აფხაზეთში ომის დაწყებიდან

14 აგვისტო 2020, 12:04 307 ნახვა

აფხაზეთში საომარი მოქმედებების დაწყების 28 წლისთავთან დაკავშირებით, საქართველოს ერთიანობისთვის ბრძოლაში დაღუპულ გმირთა მემორიალი გვირგვინით შეამკეს  და მათ ხსოვნას პატივი მიაგეს თავდაცვის  და სახელმწიფო მინისტრებმა. თეა ახვლედიანის განცხადებით, 14 აგვისტო არის თითოეული მოქალაქის  საერთო ტრაგედია და მშვიდობას ალტერნატივა არ აქვს.

აფხაზეთში საომარი მოქმედებები  13 თვე და 13 დღე გაგრძელდა და 1993 წლის 27 სექტემბერს სოხუმის დაცემით დასრულდა.  სოხუმის დაცემას წინ უძღოდა რუსეთის მონაწილეობით მხარეებს შორის მოლაპარაკებები. 27 ივლისს ხელი მოეწერა სოჭის ხელშეკრულებას, რომელიც აფხაზურმა მხარემ ცალმხრივად დაარღვია, როდესაც ქართულ მხარეს აფხაზეთიდან გამოყვანილი ჰყავდა მძიმე სამხედრო ტექნიკა. ომის შედეგად, აფხაზეთის ტერიტორიის დატოვება 300 ათასამდე ადამიანს მოუწია. საომარი მოქმედებების შედეგად, ქართული მხრიდან, ჯარისკაცებისა და მშვიდობიანი მოსახლეობის სახით, 10 ათასამდე ადამიანი დაიღუპა. 

აჭარის მაუწყებელი
სოც. ადმინისტრატორი

ამავე კატეგორიაში