ციხისძირში აგვისტოს ომის გმირი თენგიზ ჭაღალიძე გაიხსენეს - Adjara TV

ციხისძირში აგვისტოს ომის გმირი თენგიზ ჭაღალიძე გაიხსენეს

09 აგვისტო 2020, 15:39 348 ნახვა

2008 წლის  აგვისტოს ომში  დაღუპული თენგიზ ჭაღალიძე გაიხსენეს  დღეს ციხისძირში. 9 აგვისტოს დაღუპული  გმირის   ხსოვნას  ოჯახის წევრებმა, ახლობლებმა, თანასოფლელებმა და ოფიციალურმა პირებმა  პატივი  მიაგეს  და მისი  საფლავი ყვავილებით შეამკეს. 20  წლის თენგიზ  ჭაღალიძე  ცხინვალის მისადგომებთან მეოთხე ქვეითი ბრიგადის 42-ე ბატალიონში იბრძოდა.

მოწინააღმდეგის მიერ ნასროლმა ტყვიამ ბატალიონის სამედიცინო ნაწილის კაპრალს მკლავში გაუარა, თუმცა დაჭრილმა  ჭაღალიძემ  საცეცხლე ზონიდან  გაყვანაზე უარი თქვა, რამდენიმე წუთში კი  რუსულმა ავიაციამ ტერიტორია დაბომბა, დაჭრილი  თენგიზ ჭაღალიძე  ჭურვის ნამსხვრევებმა იმსხვერპლა.

აჭარის საზოგადოებრივი მაუწყებელი
ადმინისტრატორი

ამავე კატეგორიაში