ქობულეთის ''შუქურამ'' ეროვნულ ლიგა 2-ში ზედიზედ მეოთხე შეხვედრა მოიგო

20 ივლისი 2020, 22:17 2336 ნახვა

საქართველოს საფეხბურთო ეროვნულ ლიგა ორში მეოთხე ტურის ორი შეხვედრა გაიმართა. გათამაშების ლიდერმა ქობულეთის ‘’შუქურამ’’ მეოთხე მატჩი მოიგო. ამჯერად ქობულეთლებმა გასვლაზე თბილისში დავით პეტრიაშვილის სახელობის არენაზე დუშეთის ‘’არაგვი’’ 2:1 დაამარცხეს.

მე-18 წუთზე კომახიძემ საგოლე გადაცემა გააკეთა გოლი კი ჟეფერსონ ჟერალდომ გაიტანა. 31-ე წუთზე ჟერალდომ დუბლი გაიფორმა. ბრაზილიელმა ამჯერად თერთმეტრმეტრიანი ზუსტად შეასრულა. 82-ე წუთზე ლაშა ლეჟავამ ერთი ბურთი გაქვითა , თუმცა ‘’არაგვმა’’ მატჩის გადარცენა ვერ მოახერხა.

დღის მეორე მატჩში ‘’გაგრამ’’ გასვლაზე ‘’რუსთავი’’ დიდი ანგარიშით 3:0 დაამარცხა. 4 ტურის შემდეგ ‘’შუქურა’’ გათამაშებას უდანაკარგოდ 12 ქულით ლიდერობს.

ხვალ ეროვნულ ლიგა 2 ში კიდევ ორი შეხვედრა გაიმართება. ‘’შევარდენი’’ მარტვილის ‘’მერანს’’ მიიღებს , ბოლნისის ‘’სიონი’’ თბილისის ‘’ვიტ ჯორჯიას’’ უმასპინძლებს. ორივე შეხვედრა 18:00 საათზე დაიწყება.

სეო წილოსანი

სპორტული ჟურნალისტი