გადამფრენ ფრინველებზე ნადირობის სეზონი 22 აგვისტოს გაიხსნება

13 ივლისი 2020, 17:25 1926 ნახვა

გადაწყვეტილება გარემოს დაცვისა და სოფლის მეურნეობის სამინისტრომ მონადირეებთან გამართული კონსულტაციების შემდგომ, მათი უმრავლესობის მიერ გამოთქმულ მოსაზრებებსა და სამეცნიერო - ექსპერტული წრეებიდან მიღებულ რეკომენდაციებზე დაყრდნობით მიიღო. ნადირობის სეზონის აღნიშნულ დროს დაწყება გადამფრენი ფრინველების დაცვისა და აღწარმოების მიზნებს ემსახურება.

გადამფრენ ფრინველებზე ნადირობის მსურველებმა, ნადირობისას თან უნდა იქონიონ გარემოდან გადამფრენი ფრინველების ამოღებაზე დაწესებული მოსაკრებლის გადახდის დამადასტურებელი ქვითარი და საქართველოს შინაგან საქმეთა სამინისტროს შესაბამისი ორგანოს მიერ გაცემული შესაბამისი სანადირო თოფის შენახვისა და ტარების უფლების დამადასტურებელი დოკუმენტი.

2020-2021 წლების სანადირო სეზონისთვის შეიცვალა ტყის ქათამზე ნადირობის ვადა და 1 ოქტომბრიდან 1 მარტამდე პერიოდით განისაზღვრა. ბოლო წლებში, ტყის ქათმის რაოდენობის მნიშვნელოვანი კლება არ ფიქსირდება. ჩვეულებრივი გვრიტის სახეობის პოპულაციის შემცირების გამო კი, მისი დღიური მოპოვების ლიმიტი 10-იდან 5 ინდივიდამდე შემცირდა.

აჭარის მაუწყებელი
სოც. ადმინისტრატორი

ამავე კატეგორიაში