ჩვილის 5000 დოლარად გაყიდვის ბრალდებით სამი პირი დააკავეს, მათ შორის ბავშვის მშობლები - სუსი

23 ივნისი 2020, 12:37 2487 ნახვა

სახელმწიფო უსაფრთხოების სამსახურის ინფორმაციით, ჩვილის ყიდვის ფაქტზე სამი პირი დააკავეს.

გამოძიებით დადგინდა, რომ დუშეთში მცხოვრებ წყვილს, 2020 წლის 18 ივნისს ვაჟი შეეძინათ. დიდი ოდენობით შემოსავლის მიღების მიზნით, მათ განიზრახეს ბავშვის გაყიდვა.

''მშობლები დაუკავშირდნენ პირს, რომელსაც შეუთანხმდნენ, რომ 5000 აშშ დოლარის სანაცვლოდ შვილს მიყიდდნენ, რაზეც მან თანხმობა განუცხადა. რის შემდეგაც, აღნიშნული პირი სამოქალაქო რეესტრში ახალშობილის მამად  დარეგისტრირდა და აიღო დაბადების მოწმობა. შეთანხმებისამებრ, 5000 აშშ დოლარი კი ახალშობილის მშობლებს გადასცა. რა დროსაც მოხდა მათი დაკავება'' - წერია სუს-ის მიერ გავრცელებულ განცხადებაში.

გამოძიება, არასრულწლოვნის მიმართ უკანონო გარიგების ფაქტზე მიმდინარეობს, რაც სასჯელის სახით  ორიდან ხუთ წლამდე ვადით თავისუფლების აღკვეთას ითვალისწინებს.

აჭარის მაუწყებელი
სოც. ადმინისტრატორი

ამავე კატეგორიაში