პარლამენტში ინტერპელაციის წესით დღეს პრემიერ მინისტრს მოუსმენენ

29 მაისი 2020, 10:14 318 ნახვა

პარლამენტში დღეს პრემიერ მინისტრს კიდევ ერთხელ მოუსმენენ. გიორგი გახარია საკანონმდებლო ორგანოში ამჯერად "ნაციონალური მოძრაობისა" და "ევროპული საქართველოს" ფრაქციებმა ინტერპელაციის წესით დაიბარეს. 

ოპოზიციონერი დეპუტატები პრემიერ-მინისტრს კითხვებს  კორონავირუსის გამო ქვეყანაში შექმნილ კრიზისის, შემოსავლის გარეშე დარჩენილი მოქალაქეების დახმარებისა და ეკონომიკური აღდგენის გეგმის, ეროვნული ვალუტის გაუფასურების ირგვლივ დაუსვამენ.

ინტერპელაციის წესით პრემიერ მინისტრის პარლამენტში გამოსვლა 14:00 საათზე დაიწყება.

გიორგი გახარია საკანონმდებლო ორგანოში 2 დღის წინ, 27 მაისსაც იმყოფებოდა. მან დეპუტატებს პანდემიის დროს მთავრობის საქმიანობის შესახებ  ანგარიში წარუდგინა.

ნათია კოპალიანი
ჟურნალისტი

ამავე კატეგორიაში

#უსმინეთ!

#უყურეთ!

პოპულარული

ამინდი