საგანგებო მდგომარეობის რეჟიმის დარღვევის 104 ფაქტი დაფიქსირდა - შსს
13 აპრილი 2020, 17:43 1895 ნახვა
ბოლო 24 საათში, საგანგებო მდგომარეობის დროს დაწესებული შეზღუდვა 104 მოქალაქემ დაარღვია. შინაგან საქმეთა სამინისტროს ინფორმაციით, კომენდანტის საათის დარღვევის ფაქტზე, სამართალდამცველებმა 73 მოქალაქე დააჯარიმეს.
საჯარო სივრცეში 3-ზე მეტი პირის შეკრების შეზღუდვის და 2-მეტრიანი სოციალური დისტანციის დაუცველობისთვის ჯარიმა 16 მოქალაქეს დაუწერეს.
ეკონომიკურ საქმიანობასთან დაკავშირებული შეზღუდვების დარღვევის ფაქტზე კი 4 ფიზიკური პირი დააჯარიმეს. თვითიზოლაციის წესების ადამიანებმა ისევ დაარღვიეს და უწყების ინფორმაციით ქვეყნის მასშტაბით ასეთი 2 ახალი ფაქტი დაფიქსირდა.
სამართალდამცველებმა მგზავრთა გადაყვანისა და ავტომობილით გადაადგილების წესის დარღვევის ფაქტზე კიდევ 9 პირი დააჯარიმეს.
საგანგებო მდგომარეობის რეჟიმის დარღვევისთვის ფიზიკურ პირებს 3 000, ხოლო იურიდიული პირებს 15 000 ლარით აჯარიმებენ.
ამავე კატეგორიაში
#უსმინეთ!
#უყურეთ!
პოპულარული
ამინდი
მაუწყებლობა