კაზაკოვა-რევიას წყვილმა მსოფლიო ჩემპიონატზე მცირე ვერცხლის მედალი მოიპოვა

06 მარტი 2020, 11:02 1489 ნახვა

ესტონეთის დედაქალაქ ტალინში მიმდინარე მსოფლიოს ჩემპიონატზე ფიგურულ ციგურაობაში იუნიორთა შორის, ქართულმა წყვილმა გიორგი რევიასა და მარია კაზაკოვას შემადგენლობით წარმატებული სტარტი აიღო.

5 მარტს გამართულ რითმული ცეკვების გამოსვლაში, კაზაკოვა-რევიას წყვილი, მსოფლიოს 29 მონაწილე წყვილს შორის 69.98 ქულით მეორე ადგილზე გავიდა და მცირე ვერცხლის მედალი მოიპოვა. ა

მ შედეგით, მარია კაზაკოვა და გიორგი რევია მსოფლიოს 20 საუკეთესო წყვილს შორის მოხვდნენ, რომლებიც თავისუფალი ცეკვების პროგრამაში, 7 მარტს იასპარეზებენ.

იუნიორთა მსოფლიო ჩემპიონატზე, საქართველოს ღირსებას სპორტულ წყვილებში ალინა ბუტაევა და ლუკა ბერულავა იცავდნენ.

ბუტაევა-ბერულავას წყვილმა მოკლე პროგრამაში მე-7, ხოლო თავისუფალ პროგრამაში მე-8 ადგილი დაიკავა. საბოლოოდ, ორი პროგრამის ჯამში წყვილი მე-7 ადგილს დასჯერდა.

ქეთევან ბოლქვაძე

წამყვანი და ჟურნალისტი