ხელბურთის საქართველოს ჩემპიონატის უმაღლეს ლიგაში ბათუმელებმა მორიგი მატჩი მოიგეს

18 თებერვალი 2020, 11:05 559 ნახვა

ხელბურთის საქართველოს ჩემპიონატის უმაღლეს ლიგაში ბათუმის „შავი ზღვის ბიჭებმა“ მორიგი მატჩი მოიგეს. ბათუმელები გორს დაუპირისპირდნენ და მეტოქე 12 ქულიანი სხვაობით 36:24 დაამარცხეს. გამორჩეული მატჩი ჰქონდათ ,,შავი ზღვის ბიჭების’’ ხელბურთელებს ანთიძეს და აბრამიშვილის , რომლებმაც 7-7 გოლის გატანა მოახერხეს. თავისი მატჩის მოგება შეძლო მეორე ადგილზე მყოფმა ,,ქუთაისმა’’. რიონისპირელებმა თბილისის ‘’პეგასი’’ ანგარით 37-27 დაამარცხეს და მეორე ადგილი გაიმყარეს.

დღეს ხელბურთის უმაღლეს ლიგაში შემდეგი ტურის მატჩები გაიმართება. ბათუმი 17:00 საათზე ‘’პეგასს’’ შეხვდება, ხოლო ,,ქუთაისი’’ კი ,,,გორთან’’ გაარკვევს საუკეთესოს ვინაობას. ამ დროისთვის გათამაშებას მოქმედი ჩემპიონი და თასის მფლობელი ბათუმის,,შავი ზღვის ბიჭები’’ ლიდერობს , მეორე ადგილზე მყოფ ,,ქუთაისს’’ 18 ქულა აქვს, ხოლო მესამე პოზიციაზე 14 ქულით ,,სტუ-იმედია’’. ხელბურთის გულშემატკივარს მატჩების პირდაპირი რეპორტაჟების ნახვა ხელბურთის ფედერციის იუთუბ არხზე შეუძლია.

აჭარის მაუწყებელი
სოც. ადმინისტრატორი

ამავე კატეგორიაში

#უსმინეთ!

#უყურეთ!

ამინდი