ქართული ჯარი არის ძლიერი და ჩვენ გვყავს გმირი სამხედროები - თავდაცვის მინისტრი პრეზიდენტს

11 დეკემბერი 2019, 12:35 1659 ნახვა

"ჩვენ არც ჯარი გვაქვს, არც იარაღი და არც გვექნება, არც ის დიდი ეკონომიკური პოტენციალი, რომ დავიპყროთ, თუნდაც, რეგიონი. მაგრამ ჩვენ გვაქვს ის უზარმაზარი, ძალიან მაგარი იარაღი, რასაც ჰქვია, ცოდნა, მეცნიერება, კულტურა და ძალიან მდიდარი რეგიონი ამ მხრივ", — ამის შესახებ საქართველოს პრეზიდენტმა სალომე ზურაბიშვილმა სამეცნიერო წარმომადგენლებისთვის სიტყვით მიმართვისას გუშინ განაცხადა.

პრეზიდენტის განცხადებას დღეს საქართველოს თავდაცვის მინისტრი გამოეხმაურა.

ირაკლი ღარიბაშვილის განმარტებით, სალომე ზურაბიშვილის განცხადება მისთვის კატეგორიულად მიუღებელია.

"ქართული ჯარი არის ძლიერი და ჩვენ გვყავს გმირი სამხედროები, როგორც თავდაცვის მინისტრმა მინდა განვაცხადო, რომ ჩვენი სამხედროები ქვეყნის საამაყო მოქალაქეები არიან და ყველაფერს გავაკეთებ, რათა ქართული ჯარი კიდევ უფრო გაძლიერდეს“- ასე გამოეხმაურა საქართველოს თავდაცვის მინისტრი ჯართან დაკავშირებით საქართველოს პრეზიდენტის განცხადებას.

აჭარის მაუწყებელი

სოც. ადმინისტრატორი