ბათუმის ბიუჯეტის საჯარო განხილვა ხალხის გარეშე

21 ნოემბერი 2019, 20:03 1260 ნახვა

ბათუმის 2020 წლის ბიუჯეტის პროექტის განხილვა გაიმართა საკრებულოში, მაგრამ სხდომას მხოლოდ დეპუტატები, აპარატისა და მერიის რამდენიმე თანამშრომელი ესწრება. ბიუჯეტის განხილვაში არ მონაწილეობდნენ მოქალაქეები, ოპოზიციის და არასამთავრობო სექტორის წარმომადგენლები. აპარატი ირწმუნება, რომ მოქალაქეების და მესამე სექტორის ინფორმირება უზრუნველყვეს, თუმცა ფაქტია, რომ დარბაზში დღეს არავინ მისულა.

2020 წლისთვის ბათუმის ბიუჯეტის პროექტი  156 მილიონი ლარითაა განსაზღვრული. პრიორიტეტებშია კაპიტალური პროექტები.

საგზაო ინფრასტრუქტურის მოწესრიგებას მომავალ წელს 37 მილიონი ლარი უნდა მოხმარდეს. 

მზია მართალიშვილი
ჟურნალისტი

ამავე კატეგორიაში