EMC –სპეცოპერაცია რისკების და საჭიროებების სათანადო შეფასებისა და ანალიზის გარეშე ჩატარდა

07 ნოემბერი 2019, 15:39 125 ნახვა

სუს-ის თანამდებობის პირების გამოკითხვამ აჩვენა, რომ პანკისის სპეცოპერაცია რისკების შეფასებისა და ანალიზის გარეშე ჩატარდა-ინფორმაციას „ადამიანის უფლებების სწავლებისა და მონიტორინგის ცენტრი“  ავრცელებს.

იემსი თემირლან მაჩალიკაშვილის საქმეზე სუს-ის მაღალი თანამდებობის პირების გამოკითხვის პროცესს აფასებს.  უწყების ინფორმაციით, პროკურატურის გამოკითხვები საერთოდ არ შეეხო გამოძიების ინსტიტუციური დამოუკიდებლობის პრობლემას და არც კი დაისვა შეკითხვები სუს-ის მიერ ყველაზე მნიშვნელოვანი მტკიცებულებების ამოღების წესის სავარაუდო დარღვევასთან, მტკიცებულებების სავარაუდო ფალსიფიკაციასა და განადგურებასთან დაკავშირებით. 

ორგანიზაციის ცნობით, თემირლან მაჩალიკაშვილის ოჯახს და მათ ადვოკატებს ამ დრომდე არ აქვთ წვდომა საქმის მნიშვნელოვან მასალებზე.

აჭარის მაუწყებელი
სოც. ადმინისტრატორი

ამავე კატეგორიაში