აჭარის კარატეს ნაკრების რვა სპორტსმენმა, რვა მედალი ჩამოიტანა

06 ნოემბერი 2019, 13:26 546 ნახვა

8 სპორტსმენი და რვა მედალი - აჭარის კარატეს ნაკრები ბათუმში 5 ოქროს, 2 ვერცხლის და ბრინჯაოს მედლებით დაბრუნდა. თბილისში გამართულ საქართველოს ჩემპიონატზე, სხვადასხვა ასაკობრივ და წონით კატეგორიებში, 150-მდე სპორტსმენი ასპარეზობდა.

გარდა მედლებისა, აჭარის გოჯუ-რიუ კარატეს ნაკრები ჩემპიონატის საუკეთესო გუნდად დასახელდა, ლაშა ტარიელაძე კი საუკეთესო ტექნიკის მქონე მებრძოლად. 

აჭარის ნაკრების 3 წევრი საქართველოს ნაკრებში ირიცხება. სპორტსმენები უკვე დღეიდან განაახლებენ ვარჯიშებს და მომავალი წლის ჩემპიონატებისთვის მოემზადებიან. კარატისტები 2020 წლის მარტში თბილისის თასზე იასპარეზებენ, მაისში კი ბათუმი საერთაშორისო ტურნირს „ბათუმი ოუფენს“ უმასპინძლებს.

ქეთევან ბოლქვაძე
ჟურნალისტი

ამავე კატეგორიაში