ქართველი ძიუდოისტები მსოფლიო ჩემპიონები არიან

19 ოქტომბერი 2019, 15:05 423 ნახვა

ქართველი ძიუდოისტები, ლაშა ბექაური და ვლადიმერ ახალკაცი მსოფლიო ჩემპიონები გახდნენ, ტატო გრიგალაშვილი კი ბრინჯაოს მედალს დაეუფლა. ლაშა ბექაურმა ფინალში უნგრელი როლანდ გოზი იპონით დაამარცხა და ოქროს მედალს დაეუფლა. მან გადამწყვეტ ბრძოლამდე კორეელ იუეპ ჰანს, არგენტინელ მარიანო კოტო-ბერსიერს, უზბეკ მუზაფარბეკ ტურობოიევს და იაპონელ კოსუკე მაშაიამას მოუგო.

ვლადიმერ ახალკაცმა ფინალში რუსეთის წარმომადგენელ დავით კარაპეტიანს იპონით სძლია და ჩემპიონი გახდა. ახალკაცმა ფინალამდე მოლდოველი კატალინ მარიანი, ყაზახი აიბოლ ნისანალი, კანადელი ალექსანდრე არენციბია, აზერბაიჯანელი მურად ფატიევი და ბრაზილიელი გილერმე შმიდტი დაამარცხა.

ამავე წონით კატეგორიაში ტატო გრიგალაშვილმა იაპონელ დაისუკე ტაკიეშს, საფრანგეთის სახელით მოასპარეზე გიგა აბუაშვილს და უზბეკ ჯალოლიდინ კურბონმუროდოვს მოუგო, ნახევარფინალი კარაპერტიანთან დათმო, მესამე ადგილისთვის ბრძოლაში კი ფატიევი დაამარცხა.

აჭარის საზოგადოებრივი მაუწყებელი
ადმინისტრატორი

ამავე კატეგორიაში