ბათუმის საკალათბურთო კლუბი დუდუ დადიანის სახელობის ტურნირის ფინალისტია

09 ოქტომბერი 2019, 10:05 524 ნახვა

ბათუმის საკალათბურთო კლუბი დუდუ დადიანის სახელობის მემორიალური ტურნირის ფინალისტია. გია კაზანჯიანისა და ლაშა ოჩხიკიძის გაწვრთნილმა ,,ბათუმმა’’ ნახევარფინალურ შეხვედრაში ,,დინამო’’ 14 ქულიანი სხვაობით  98:84 დაამარცხა.

ბათუმელთა მხრიდან შესანიშნავი მატჩი ჩაატარა ლეგიონერმა კოლინ მალკომმა, რომელმაც 26 ქულა 10 მოხსნა და 2 გადაცემა მიითვალა. ,,დინამოს’’ მხრიდან კი საუკეთესო ლუკა ბულაშვილი იყო, რომლის ანგარიშზე 32 ქულა, 10 მოხსნა და 5 გადაცემა იყო. 

ფინალურ შეხვედრაში ბათუმის საკალათბურთო კლუბი  თსუ ჰიუნდაის დაუპირისპირდება. შეხვედრა დღეს,  19:00 საათზე, თბილისის ოლიმპიურ სასახლეში გაიმართება.  ნახევარფინალში კი, ,,თსუ’’-მ ,,კაკტუსი’’ 90:71 დაამარცხა.

ბათუმის საკალათბურთო გუნდმა ჯგუფურ ეტაპზეც შესანიშნავად იასპარეზა და ჯგუფში ორიდან ორივე შეხვედრა მოიგო.

სეო წილოსანი
სპორტული ჟურნალისტი / სტაჟიორი

ამავე კატეგორიაში