ბათუმში, ტბელ აბუსერიძის ქუჩის ჩაკეტვის გამო, ავტობუსები შეცვლილი მარშრუტით მოძრაობენ

09 სექტემბერი 2019, 14:39 1921 ნახვა

ტბელ აბუსერიძის ქუჩის ჩაკეტვის გამო, შეცვლილი მარშრუტით მოძრაობენ მუნიციპალური ავტობუსებიც. ''ბათუმის ავტოტრანსპორტის'' ინფორმაციით, შეზღუდვის პერიოდში ტრანსპორტი ალტერნატიულ ქუჩებზე გადაერთვება. 

უფრო კონკრეტულად კი, #3 მუნიციპალური ავტობუსი ტბელ აბუსერიძის ქუჩის ნაცვლად, ფიროსმანის, ჯავახიშვილისა და გორგილაძის ქუჩების გავლით იმოძრავებს. იგივე იქნება უკუმიმართულებაც. 

ცვლილებები შეეხება #2, #2ა, #7, #7ა, #12, #16 მუნიციპალურ ავტობუსებსაც. ისინი ლორიას, პუშკინის, გრიბოედოვისა და ჭავჭავაძის ქუჩების გავლით იმოძრავებენ.

#8 ავტობუსი კი ტბელ აბუსერიძის ქუჩის ნაცვლად, ჯავახიშვილის ქუჩაზე გადავა, შემდეგ კი პუშკინის, გრიბოედოვისა და ჭავჭავაძის ქუჩების გავლით გააგრძელებს გზას. 

ბათუმის ავტოტრანსპორტის ინფორმაციით, იგივე იქნება უკუმიმართულებაც. 

დღეს, 9 სექტემბერს ტბელ აბუსერიძის ქუჩა დილიდან სრულად ჩაკეტეს. აქამდე მოძრაობა გზის მხოლოდ ერთ ზოლში იყო დასაშვები. 

აჭარის მაუწყებელი
სოც. ადმინისტრატორი

ამავე კატეგორიაში