ახალი სარეაბილიტაციო ცენტრი დაჭრილ სამხედროებისთვის

07 აგვისტო 2019, 17:39 1273 ნახვა

2008 წლის აგვისტოს ომში და სამშვიდობო მისიებში დაჭრილ-დაშავებული სამხედრო მოსამსახურეები ფიზიკურ და ფსიქოლოგიურ რეაბილიტაციას წეროვანის ახალ სარეაბილიტაციო ცენტრში გაივლიან.

სარეაბილიტაციო ცენტრი დასავლური სტანდარტების, უახლესი ტექნოლოგიებით აღიჭურვება. შენობაში განთავსდება სამკურნალო-სარეაბილიტაციო აუზი, ასევე მოედანი მჯდომარე ფრენბურთისა და კალათბურთისთვის.

ახალი ცენტრი, რომლის მშენებლობაც სამ თვეში დასრულდება, საქართველოს თავდაცვის მინისტრმა და აშშ-ის ელჩის მოვალეობის შემსრულებელმა დაათვალიერეს. ცენტრის მშენებლობა ამერიკის მხარდაჭერით ხორციელდება.

ლევან იზორიამ და ელიზაბეთ რუთმა „მტკიცე მხარდაჭერის მისიაში“ დაჭრილი სამხედრო მოსამსახურე უფროსი ლეიტენანტი ივერი ბუაძე მოინახულეს.

აჭარის საზოგადოებრივი მაუწყებელი

ადმინისტრატორი