აგვისტოს ომში აჭარიდან დაღუპულთა ოჯახებს ჯანდაცვის სამინისტრო დაეხმარება

07 აგვისტო 2019, 13:07 2162 ნახვა

აგვისტოს ომის მე-11 წლისთავთან დაკავშირებით აჭარის მთავრობა ომში დაღუპული 19 ჯარისკაცის ოჯახს 3000-3000 ლარით დაეხმარება. თანხას ასევე მიიღებს ომში მონაწილე შეზღუდული შესაძლებლობის სტატუსის მქონე სამი ვეტერანი ჯარისკაცი და 2012 წელს ავღანეთში დაღუპული სამი მეომრის ოჯახი. 

აჭარის ჯანდაცვის სამინისტრო „2008 წლის რუსული აგრესიის დროს დაღუპულ, ტრავმის შედეგად შეზღუდული შესაძლებლობის მქონე და 2012 წელს ავღანეთში დაღუპულ მეომართა ოჯახების დახმარების” პროგრამას 2014 წლიდან ახორციელებს. მანამდე ფინანსური დახმარება აჭარის მთავრობის სარეზერვო ფონდიდან გაიცემოდა. 

თანხას სულ 25 ოჯახი მიიღებს, ჯამში 75 000 ლარი გაიცემა.

სამინისტრო ფინანსურ დახმარებას ასევე უწევს 2008 წლის რუსული აგრესიის შედეგად და 2012 წელს ავღანეთში დაღუპული მეომრების დედებსა და მეუღლეებს. დედის დღესთან დაკავშირებით 23 ბენეფიციარზე 23 000 ლარი გაიცა, თითოეულზე 1000 ლარის ოდენობით.

აჭარის საზოგადოებრივი მაუწყებელი
ადმინისტრატორი

ამავე კატეგორიაში