ოქროს სიაში მყოფ კომპანიებს შეღავათები გაუუქმდათ

02 ივლისი 2019, 10:27 1262 ნახვა

დღეიდან „ოქროს სიის“ მონაწილე ყველა კომპანიას იმპორტის გადასახადის გადახდა 5 დღის ვადაში მოუწევს. 2 ივლისიდან ძალაში შედის ფინანსთა მინისტრის, ვანო მაჭავარიანის ბრძანება, რომლის თანახმად, იმპორტის გადასახდელების გადახდის 5-დღიანი ვადა, ასევე გავრცელდება „ოქროს სიის“ მონაწილის კუთვნილ საქონელზე (ნაცვლად ცვლილებამდე მოქმედი 30-დღიანი ვადისა), წინასწარ (საქონლის შემოტანამდე) დეკლარირებულ საქონელზე (ნაცვლად ცვლილებამდე მოქმედი 15-დღიანი ვადისა) და დეკლარანტის მიერ შევსებული და რეგისტრირებული დეკლარაციით გაფორმებისას (ნაცვლად ცვლილებამდე მოქმედი 10-დღიანი ვადისა).

ზემოაღნიშნული ცვლილება აქციზური საქონლის მიმართ 12 ივნისს უკვე ამოქმედდა.

„ოქროს სიაში“ მყოფი კომპანიები კვლავ ისარგებლებენ გამარტივებული საბაჟო სერვისითა და პროცედურებით, ასევე „ოქროს სიის“ მონაწილე კომპანიებისთვის დაწესებული სხვა შეღავათებით.

აჭარის მაუწყებელი

სოც. ადმინისტრატორი

კომპანიები ფინანსთა მინისტრი