ერთ თვალში მხედველობა დაკარგულია და არ აღდგება!!! - მაკო გომური

01 ივლისი 2019, 11:48 1673 ნახვა

მაკო გომური, რომელმაც 20 ივნისის აქციის დაშლისას თვალი დაკარგა სოციალურ ქსელში სტატუსს აქვეყნებს. წერს, რომ თვალის გადანერგვა ამ ეტაპზე შეუძლებელია, ერთ თვალში მხედველობა დაკარგა და ის არ აღდგება. 

''მეგობრებო, სამკურნალოდ აქ წამოსვლა არ ნიშნავს იმას, რომ თვალ ახელილი ჩამოვალ ან კიდევ უფრო სისულელე, თვალს გადავინერგავ. 
სროლის შემდეგ, ჩემს თვალში არაფერი არ დარჩა, ყველაფერი იქცა ნ ა ფ ლ ე თ ე ბ ა დ!!!!!!!
გუგა, ბადურა, სკლერა, პიგმენტი-არაფერი არაა დარჩენილი, გარდა კუნთებისა, რომლებმაც თუ იმუშავა ჩავისვავ ხელოვნურ თვალს, რომელსაც იგივე ფენოტიპი ექნება, რაც მეორე თვალს და იმ კუნთების დახმარებით შევძლებ ვამოძრავო. გადარჩა ასევე ქვედა ქუთუთო და ასევე "ააწყვეს" ზედა ქუთუთოც, რომლის უჯრედები ან განაგრძობენ მუშაობას ან არა (დაიხოცებიან)

გეფიცებით, თქვენზე მეტად მე მინდოდა მხედველობა არ დამეკარგა, მაგრამ დავკარგე...
ნუ დამტირით ხალხო; საფეთქელს 2 სანტიმეტრითაა აცდენილი ტყვია, შეიძლება ყველაფერი სხვანაირად წასულიყო, მარა გადავრჩი (თუ ამას გადარჩენა ქვია) და დავკარგე მხოლოდ თვალი. ვაზროვნებ, დავდივარ, ვლაპარაკობ-ხო საკმარისია არა ბევრი რამისთვის?

სამშაბათს მაქვს კიდევ ერთი ოპერაცია აქ, უნდა ჩასვან გამყოფი ლინზა, (აქ ჯამს ამბობენ დებილები) რომ ზედა ქუთუთო არ შეახორცდეს შიდა ნაწილს (საქართველოში ეს ისედაც გაკეთდებოდა)
უბრალოდ აქ გავდივარ კონსულტაციებს, სწორად მიდის თუ არა მკურნალობა.

4 კვირიდან 6 კვირა (ან შეიძლება მეტიც) სჭირდება თვალს, რომ აღდგეს, დაიბრუნოს ფორმა, შეხორცდეს ჭრილობები, შემდეგ ვიფიქრებთ ხელოვნურ თვალზე; 
მაგრამ თვალის გადანერგვა ჩემი ნახევართვალასთვის ამ ეტაპზე არის შეუძლებელი! ერთ თვალში მხედველობა არის დაკარგული და არ აღდგება!!!

კი ბატონო, სახელმწიფო მაფინანსებს... ზოგადად სამსახურში რამეს, რომ ვაფუჭებდი, მე ვცდილობდი იმის გამოსწორებას, ''ბიქაზ'' ჩემი მოვალეობა იყო და მადლობასაც არავისგან ველოდი... ეს ისე...'' - დაწერა ფეისბუქის საკუთარ გვერდზე მაკო გომურმა. 

ის რამდენიმე დღის წინ უცხოეთში სამკურნალოდ წავიდა. 

აჭარის მაუწყებელი
სოც. ადმინისტრატორი

ამავე კატეგორიაში