ქართველი ძიუდოისტი გურამ თუშიშვილი მინსკის ევროპული თამაშების გამარჯვებულია

24 ივნისი 2019, 21:22 458 ნახვა

ბელარუსის დედაქალაქ მინსკში მიმდინარე ევროპულ თამაშებზე ქართველი ძიუდოისტი გურამ თუშიშვილი (+100 კგ.) ოქროს მედლის მფლობელი გახდა. მან ფინალში რუსი სპორტსმენი ინალ ტასოევი სუფთად დაამარცხა. ნახევარფინალის მსგავსად, პირველი ილეთი ამჯერადაც მეტოქემ შეასრულა და ვაზარით დაწინაურდა, თუმცა გურამმა მდგომარეობა პირველივე შეტევისას გამოასწორა და ტასოევი იპონზე დასცა.

ამ გამარჯვებით, საქართველოს მამაკაც ძიუდოისტთა ნაკრები გუნდურ ჩათვლაში პირველ ადგილზე გავიდა. 24 ივნისს, ძიუდოს ტურნირის დასკვნით დღეს, კიდევ ორმა ქართველმა იასპარეზა: ვარლამ ლიპარტელიანმა (100 კგ.) ვერცხლის მედალი მოიპოვა, ხოლო ბექა ღვინიაშვილი (90 კგ.) ადრეულ ეტაპზე გამოეთიშა ასპარეზობას. ჯამში საქართველოს ძიუდოს ნაკრებმა ორი ოქროს, ერთი ვერცხლისა და ოთხი ბრინჯაოს მედალი აიღო

ქეთევან ბოლქვაძე
ჟურნალისტი

ამავე კატეგორიაში

#უსმინეთ!

#უყურეთ!

პოპულარული

ამინდი