სავარაუდოდ, ძრავის გაუმართაობის გამო, თვითმფრინავი ბათუმში 7 საათის დაგვიანებით ჩამოფრინდა

24 მაისი 2019, 12:09 3847 ნახვა

ისრაელის ავიაკომპანია ''ელაის'' სამგზავრო თვითმფრინავი, ბათუმის საერთაშორისო აეროპორტში, 7 საათის დაგვიანებით ჩამოფრინდა. ავიარეისის მგზავრების თქმით, აფრენიდან მალევე გაიგეს, რომ კრიტიკული ვითარება იყო და თვითმფრინავი ბენ-გურიონის აეროპორტში უნდა დაბრუნებულიყო.

'' პილოტმა მოგვაწოდა ინფორმაცია, რომ ვითარება კრიტიკულია და თვითმფრინავი ბენ-გურიონის აეროპორტში უნდა დაშვებულიყო. ამ პერიოდის განმავლობაში ბორტზე ძალიან რთული მდგომარეობა იყო. ზოგიერთი მგზავრი პანიკაშიც ჩავარდა - იხსენებს ესთერ აიზერბენგერი.

თელავივი-ბათუმის რეისი კიდევ ერთი მგზავრი კი ყვება, რომ დაგვიანებით ჩამოფრენის და ავარიულად დაშვების მიზეზი, სავარაუდოდ ძრავის ტექნიკური გაუმართაობა იყო.

თვითმფრინავში 194 მგზავრი იმყოფებოდა. მგზავრები და ეკიპაჟის წევრები არ დაშავებულან.

აჭარის საზოგადოებრივი მაუწყებელი

ადმინისტრატორი