მომდევნო ხუთი დღე უნალექო და ცხელი იქნება

13 მაისი 2019, 11:28 3998 ნახვა

18 მაისამდე საქართველოში მზიანი და ცხელი ამინდია მოსალოდნელი.

ხვალ, მთელი ქვეყნის ტერიტორია, ანტიციკლონის გავლენის ქვეშ მოექცევა, რომელიც უღრუბლო და ცხელ ამინდს განაპირობებს, რის ფონზეც მომდევნო 5 დღის განმავლობაში მზიანი და მშრალი ამინდია მოსალოდნელი.

ტემპერატურა განსაკუთრებით მოიმატებს - ოთხშაბათს, ხუთშაბათს და პარასკევს. დასავლეთ საქართველოში +30, +35, აღმოსავლეთში +26, +31 გრადუსამდე.

რაც შეეხება აჭარას, შაბათის ჩათვლით მზიანი და თბილი ამინდია მოსალოდნელი, ტემპერატურა სანაპირო ზოლში +26, +31, მაღალმთიან ზონაში +21, +26 გრადუსამდე მოიმატებს. 

ჰაერის მაღალი ტემპერატურის მიუხედავად, ზღვის წყლის ტემპერატურა ჯერ ისევ დაბალი, 16 გრადუსი იქნება.

კობა ფარტენაძე
მეტეოროლოგი/წამყვანი

ამავე კატეგორიაში