ბათუმში ნარკოტიკის ონლაინ რეალიზაციის სქემა გაშიფრეს

12 მაისი 2019, 12:25 382 ნახვა

შინაგან საქმეთა სამინისტრომ, აჭარაში ნარკოტიკების ინტერნეტით რეალიზაციის სქემა გამოავლინა. ნარკოტიკული საშუალების უკანონო შეძენა-შენახვის ბრალდებით, 1996 წელს დაბადებული ყაზახეთის რესპუბლიკის მოქალაქე დააკავეს. 

დანაშაული 6 წლამდე ვადით თავისუფლების აღკვეთას ითვალისწინებს.

გამოძიების ინფორმაციით, ბრალდებული ბათუმში, სპეციალურად შერჩეულ ადგილებზე, სამალავებში ნარკოტიკულ საშუალებებს ათავსებდა და აღნიშნული სამალავების მისამართებს ნარკოტიკების შეძენის მსურველ პირებს ატყობინებდა, რაშიც თანხას დისტანციური არხებით იღებდა.

პოლიციამ, დაკავებულის პირადი და დროებითი საცხოვრებელი სახლის ჩხრეკისას, 34 შეკვრად დაფასოებული სინთეტიკური ნარკოტიკული საშუალება, 326 აშშ დოლარი, მწებავი ლენტები და მცირე ზომის 2 სასწორი ამოიღო.

აჭარის საზოგადოებრივი მაუწყებელი
ადმინისტრატორი

ამავე კატეგორიაში

უსმინეთ!

#უყურეთ!

პოპულარული

ამინდი