ევროპის საუკეთესო კაიაკერები მდინარე ბჟუჟზე დაეშვნენ

10 მაისი 2019, 17:00 1092 ნახვა

ევროპის საუკეთესო კაიაკერები მდინარე ბჟუჟზე დაეშვნენ. ოზურგეთის მუნიციპალიტეტის სოფელ შემოქმედში, ბჟუჟის ხეობაში, სპორტის ექსტრემალური სახეობის, კაიაკინგის ჩემპიონატი იმართება. ჩემპიონატში ცხრა ქვეყნის 60-მდე სპორტსმენი მონაწილეობს. კაიაკინგის ევროპის ჩემპიონატს ოზურგეთი უკვე მეოთხედ მასპინძლობს. წელს შეჯიბრებაში ქართველი სპორტსმენებიც მონაწილეობენ.

ფინალური დაშვება და გამარჯვებულების დაჯილდოვება დღეს, 10 მაისს, 19:00 სთ-ზე გაიმართება.ჩემპიონატი საქართველოს ტურიზმის ეროვნული ადმინისტრაციის მხარდაჭერით, გურიის სახელმწიფო რწმუნებულის ადმინისტრაციისა და ოზურგეთის მერიის ორგანიზებით იმართება.

ქეთევან ბოლქვაძე
წამყვანი და ჟურნალისტი

ამავე კატეგორიაში