ბათუმში, ფრიდონ ხალვაშის ქუჩის მეორე შესახვევში სატვირთო მანქანა დაიწვა.

19 მარტი 2017, 20:00 845 ნახვა

ბათუმში, ფრიდონ ხალვაშის ქუჩის მეორე შესახვევში სატვირთო მანქანა დაიწვა. თვითმხილველების თქმით, ავტომობილს ცეცხლი გუშინ გვიან ღამით, შურისძიების ნიადაგზე წაუკიდეს. მანქანის მეპატრონე ზურაბ კახიძე ირწმუნება, რომ ფაქტი ერთი წლის წინ მომხდარ ინციდენტს უკავშირდება, როდესაც ხელვაჩაურში, შარაბიძეების დასახლებაში, არასრულწლოვანი ანრი გოგიტიძე გარდაიცვალა.
ზურაბ კახიძის თქმით, გარდაცვლილის ოჯახი დამნაშავედ მის შვილიშვილს მიიჩნევს. თავად გოგიტიძეების ოჯახი კომენტარს არ აკეთებს, თუმცა, პირად საუბარში ირწმუნებიან, რომ ავტომობილის დაწვის ფაქტთან დაკავშირებით ინფორმაციას არ ფლობენ.
შინაგან საქმეთა სამინისტრომ გამოძიება სისხლის სამართლის კოდექსის 187 ე მუხლის მეორე ნაწილით დაიწყო, რაც ნივთის დაზიანება-განადგურებას ცეცხლის წაკიდებით, აფეთქებით ან სხვა, საყოველთაოდ საშიში საშუალებით გულისხმობს.