საია-ს კვლევა

08 მარტი 2017, 20:00 839 ნახვა

საია-ს კვლევის თანახმად, 2015-2016 წლებში  მშვიდობიანი შეკრებისა და გამოხატვის თავისუფლების დარღვევის ფაქტებს ხშირად ჰქონდათ ადგილი. 
   ანგარიში - “სამართალდარღვევად მიჩნეული პროტესტი”  მშვიდობიანი შეკრების უფლებითა და გამოხატვის თავისუფლებით მოსარგებლე პირების მიმართ წარმოებული ადმინისტრაციული სამართალდარღვევის საქმეებს მიმოიხილავს. ის საია-ს თბილისისა და რეგიონული ოფისების წარმოებაში არსებულ 9 ეპიზოდს აერთიანებს და 38 პირის ადმინისტრაციული სამართალდარღვევის საქმეს მოიცავს. 
      შემთხვევებს შორის დასახელებულია შემდეგი მაგალითები: 2015 წლის 12 ივნისს, მოქალაქეთა ჯგუფს თბილისში, ჰეიდარ ალიევის სკვერში მშვიდობიანი შეკრების გამართვის შესაძლებლობა არ მიეცათ; ამავე წლის ზაფხულში ტელეკომპანია “რუსთავი 2”-ს სხვადასხვა ქალაქში ხელი შეეშალა აქცია-კონცერტების ჩატარებაში; 18 ივლისს მთავრობის კანცელარიასთან დაგეგმილი აქციის Stop Russia-ს (სტოპ რაშას) დაწყებამდე აქციის ორგანიზატორებს პოლიციის თანამშრომლები კანცელარიის შენობის მიმდებარედ სცენის დამონტაჟების შესაძლებლობას არ აძლევდნენ; 16 ოქტომბერს პოლიციამ დააკავა “ტაბულას” ხელმძღვანელი და მასთან მყოფი კიდევ ორი პირი;  2016 წლის 10 დეკემბერს, თბილისში, პარლამენტის შენობის წინ, “თეთრი ხმაურის” მოძრაობის მიერ ორგანიზებულ აქციაზე პოლიციამ აქციის ორი მონაწილე დააკავა.  კვლევის თანახმად, კვლავ პრობლემად რჩება ლგბტ აქტივისტებისთის შეკრების უფლებით რეალური სარგებლობა.

ამავე კატეგორიაში