გამოცდების ხანგრძლივობა და საგნებში გამსვლელი ქულები განისაზღვრა

05 აპრილი 2019, 00:00 7920 ნახვა

2019 წლის ერთიანი ეროვნული გამოცდების თითოეული საგნის გამსვლელი ქულა და გამოცდის ხანგრძლივობა განისაზღვრა. შეფასებისა და გამოცდების ეროვნული ცენტრის ინფორმაციით, აბიტურიენტებს  ქართული ენისა და ლიტერატურის გამოცდის ჩასაბარებლად 3 საათი და 45 წუთი ექნებათ, მაქსიმალური ქულა- 70, ხოლო მინიმალური გამსვლელი ქულა -18 იქნება. 

გასულ წელთან შედარებით ქულების ზღვარი შემცირებულია, 2018 წელს ქართულ ენაში მაქსიმალური 80, გამსვლელი ქულა კი 21 იყო. რაც შეეხება ხანგრძლივობას, აბიტურიენტებს ტესტების დასაწერად 4 საათი და15 წუთი ჰქონდათ. 

შეფასებისა და გამოცდების ეროვნული ცენტრის ინფორმაციით, ზოგად უნარებში მაქსიმალური ქულა- 80; მინიმალური გამსვლელი ქულა კი კვლავ 24 იქნება. გამოცდის დრო 3 საათი და 10 წუთი. 

რაც შეეხება უცხოური ენების გამოცდას, მაქსიმალური ქულა - წელს 90 ნაცვლად 80 იქნება,  მინიმალური გამსვლელი ქულა კი 17.

​ზოგადი უნარების გამოცდაში წელს ცვლილება არ შესულა. უცვლელია ქულების ზღვარი და გამოცდის ხანგრძლივობა. 

2019 წლის ეროვნულ გამოცდებზე 41 000-მდე აბიტურიენტი დარეგისტრირდა,  საერთო სამაგისტრო გამოცდაზე 12 000-მდე კანდიდატი. სტუდენტთა საგრანტო კონკურსში მონაწილეობის სურვილი კი 4 600-მდე სტუდენტმა დააფიქსირა. ​

ამავე კატეგორიაში