9 დღეში წითელას 50 შემთხვევა დაფიქსირდა
09 თებერვალი 2018, 00:00 3331 ნახვაწითელას ვირუსის მაჩვენებელი რეგიონში იზრდება. თებერვალში, მხოლოდ 9 დღის განმავლობაში, 50 ინფიცირების ფაქტი დაფიქსირდა. საზოგადოებრივი ჯანდაცვის ცენტრში აცხადებენ, ვირუსით დაავადების შემთხვევა სრულწლოვანებში ჭარბობს.
შემთხევავათა 40% 5 წლამდე ასაკის ბავშვებში, 50 % კი 30 წელს ზემოთ პირებში ფიქსირდება. საზოგადოებრივი ჯანდაცვის ცენტრი მოსახლეობას ვაქცინაციისკენ მოუწოდებს.
"იანვარ-თებერვლის მაჩვენებლებით წითელას ვირუსის 149 შემთხვევა დაფიქსირდა, აქედან თებერვალში 50. მინდა მკაცრად გავაფრთხილო მოსახლეობა, განსაკუთრებით კი სრულწლოვანები, მიმართონ უბნის პოლიკლინიკებს და გაიკეთონ უფასო ვაქცინაცია," - აცხადებს საზოგადოებრივი ჯანდაცვის ცენტრის ხელმძღვანელი ნინო ნიჟარაძე.
40 წლამდე ვაქცინაცია უფასოდ კეთდება ნებისმიერ უბნის პოლიკლინიკაში, შესაძლებელია აცრის გაკეთება სხვა დაწესებულებაშიც, სადაც ექიმის კონსულტაცია ფასიანია, თუმცა ვაქცინაცია უფასო.
ამავე კატეგორიაში
#უსმინეთ!
#უყურეთ!
პოპულარული
ამინდი
მაუწყებლობა