სამართალდამცველებმა მამა - შვილის დაჭრაში ეჭვმიტანილი დააკავეს
24 დეკემბერი 2017, 00:00 4442 ნახვათამარის დასახლებაში მომხდარ ინციდენტში მონაწილე დამნაშავე უკვე დაკავებულია, როგორც შინაგან საქმეთა სამინისტროში განაცხადეს, სავარაუდო დამნაშავე ცოტა ხნის წინ აიყვანეს. დაჭრილი მამა- შვილი სასწრაფო სამედიცინო დახმარების ბრიგადამ, მომხდარიდან რამდენიმე წუთში სამედიცინო დაწესებულებაში გადაიყვანა. პაციენტებს გულმკერდის, მუცლისა და ბარძაყების მიდამოებში მრავლობითი ჭრილობები აღენიშნებოდათ.
სამედიცინო დაწესებულების გადაუდებელი მიმართულების ხელმძღვანელის , რუსუდან ქამადაძის თქმით, მათი ჯანმრთელობის მდგომარეობა სტაბილური იყო. მთავარი ცდილობს გაარკვიოს თუ როგორია მათი მდგომარეობა დღეს, თუმცა სატელეფონო ზარებს არ პასუხობენ. შინაგან საქმეთა სამინისტრომ მომხდართან დაკავშირებით საქმე სისხლის სამართლის 117-ე მუხლით აღძრა, რაც ჯანმრთელობის განზრახ მძიმე დაზიანებას გულისხმობს და თავისუფლების აღკვეთას 9 დან 13 წლამდე ითვალისწინებს.
ამავე კატეგორიაში
#უსმინეთ!
#უყურეთ!
პოპულარული
ამინდი
მაუწყებლობა