„მშვიდობით ჩემო ნაკრებო და გულშემატკივარო, კაპიტნის წასვლის დროც მოვიდა“ - ზაზა ფაჩულია

07 სექტემბერი 2017, 00:00 2742 ნახვა

საქართველოს კალათბურთელთა ნაკრების კაპიტანმა სანაკრებო კარიერა დაასრულა. ეს ოქროს წლები არასდროს დამავიწყდება - წერს ზაზა ფაჩულია ფეისბუქის პირად გვერდზე.  ყოფილი კაპიტანი გულშემატკივარს მადლობას უხდის და ნაკრებში გატარებულ 17 წელს აფასებს.

„ძალიან რთულია დატოვო ის რაც მრავალი წელი შენ ბიჭებთან ერთად მხრებით მოიტანე. B დივიზიონიდან ევროპამდე არ იყო მარტივი გზა დამეთანხმებით. 17 წლის განმავლობაში იყო მრავალი წარმატება, წარუმატებლობაც, ყოველთვის უკეთესის მოლოდინი, მაგრამ ეს არის ის რაც ჩვენ გამოგვივიდა და დანარჩენს დიდი იმედი მაქვს მომავალი თაობები გააგრძელებენ. ძალიან მინდოდა სხვანაირი დასასრული, მაგრამ სამწუხაროდ ტრამვამ მეტის საშვალება არ მომცა, მაგრამ სურვილი და გამარჯვების ჟინი არასდროს დამიშურებია. ყველაზე ძალიან გული მწყდება გულშემატკივარზე, რომლის თანადგომას ეს ნაკრები ყოველთვის გრძნობდა და პირადად მე ჩემი კარიერის განმავლობაში. მინდა ძალიან დიდი მადლობა გადაგიხადოთ თითოეულ თქვენგანს, თქვენ უფრო დიდ სიხარულს იმსახურებდით.  ახლა კი მშვიდობით ჩემო ნაკრებო და გულშემატკივარო კაპიტნის წასვლის დროც მოვიდა!- წერს სოციალურ ქსელში  ზაზა ფაჩულია.

ამავე კატეგორიაში