სოციალურ სახლში განაცხადების მიღება დასრულდა

09 აგვისტო 2017, 00:00 1992 ნახვა

ხულოში ვაშლოვანის სოციალურ სახლში დარჩენილ 14 ბინაში ფართების გადაცემისთვის ბენეფიციართა განაცხადების მიღება დასრულდა. ხულოს გამგებლის ინფორმაციით, ფართის მისაღებად გამგეობაში შექმნილ სპეციალურ კომისიას 21-მა ოჯახმა მიმართა.

ამ ეტაპზე მათი შესწავლა მიმდინარეობს, რის შემდეგაც ბენეფიციართა მდგომარეობაზე სამთავრობო კომისიაზე იმსჯელებენ.    სოფელ ვაშლოვანში, 72 ბინიანი საცხოვრებელი კორპუსი აჭარის ფინანსთა და ეკონომიკის სამინისტროს დაკვეთით აშენდა. ტერიტორიაზე 6 სართულიანი შენობა განთავსდა. სოციალური სახლის მშენებლობისთვის  3 მილიონ 500 ათასი  ლარი დაიხარჯა. 

სოფიკო შავაძე
ჟურნალისტი

ამავე კატეგორიაში